تجربتي مع بعض مرطبات الشفايف ♥

السلام عليكم ورحمة الله وبركاته ♥

كل سنة وانتوا طيبين مع انها جات مرة متأخرة ^^

من زممان عن مدونتي قصرت بحقها صراحة XD 

بس ماكنت أبغى أنزل حاجة برمضان وأشغلكم عن طاعة ربي

وبعد العيد إنشغلت كثير

نرجع للمهم 
طبعاً كل بنت تتمنى تكون شفايفها ناعمة ومرطبة ومافيها قشور

حبيت أقولكم عن تجربتي مع بعض مرطبات الشفايف

جربت منتجات كثيرة راح اعرض لكم هي ان شاء الله

وطبعاً مو كل شيء يناسبني ممكن يناسبك 

نبدأ بالمنتجات

من اليمين

١/ مرطب BORN LIPPY من شركة The Body Shop بالحبحب = البطيخ 

ريحته جميلة ♥ المرطب موجود عندهم بروائح كثيرة حتى اللي بالفراولة حلوة ريحته ♥ ترطيبه ماحبيته مرةة وكمان يقشر الشفايف شوي عموماً ماناسبني 

مكان الشراء : أي فرع من فروع The Body Shop .

٢/ مرطب لابيلو بالكرز

مين فينا ماتعرفه الكل أكيد وبنات مرة مناسبهم وبنات ما ناسبهم

أنا عني ناسبني بالبداية بس بعدين ماناسبني لأن أول حاجة قالوا انه يسمر مع الأيام + ماشفت الترطيب التمام فيه ، الشيء الوحيد اللي يشفع له انه يعطي لون بس ممكن نلقى اللون بمنتجات ثانية واحسن

مكان الشراء : الصيدلية أو السوبرماركت.

٣/ مرطب Aloe vera

هذا المرطب انشهر اليومين هذي اشتريته وكنت متأمله فيه 

بس لمى استمريت عليه ما أعطاني ولا شيء من اللي أنا أبغاه وأولها أنه مرة سايح على الشفايف ومارطب لي شفايفي . أبداً ماراح أفكر اشتريه مرة ثانية ماحبيته مرةةة

مكان الشراء : الصيدلية أو السوبرماركت.

٤/ مرطب بيزلين بشمع النحل

كمان هذا المرطب انشهر مرة

جربته ونفس الشيء ماناسبني يرطب شوي وكمان سايح على الشفايف ومرات يقشر لي شفايفي . 

مكان الشراء : الصيدلية أو السوبرماركت. (( الصورة من النت )) 

من اليمين 

١/ زبدة لابيلو Lip Butter بالفانيلا ♥

جمميلة الزبدة ترطيبها كويس على عكس المرطب القلم فيه بروائح كثيرة أنا اشتريت ريحة الفانيلا بما اني أحب ريحتها ماتقشر الشفايف وماتعطي لون بس اللي يشفع لها ترطيبها مرةةة حلوو ♥ راح أرجع أشتريها .

مكان الشراء : الصيدلية أو السوبرماركت.

٢/ مرطب labrosan bimbi ♥♥
هذا المرطب ينعم الشفايف مرة وكفاية شكله يفتح النفس ، اذا لقيته مرة ثانية راح أشتريه لأن نادراً ألقاه

مكان الشراء : كارفور أو سوبرماركت مندرين.

٣/ مرطب Seba med ♥

يرطب بس مو مرة الحلو فيه انه يخلي الشفايف ناعمة . ماراح أرجع أشتريه

مكان الشراء : الصيدلية أو السوبرماركت.

٤/ مرطب baby lips maybelline ♥♥ بريحة الكرز

هذا المرطب راح أرجع أشتريه 100 % ان شاء الله

انا بعض الكريمات أو العطور اللي بريحة الكرز أكره ريحتها وتضايقني بس هذا ريحته جمميلة وغير مزعجة ويرطب وينعم الشفايف ويعطي لون ولمى أحطه وانام وبعدين أصحى أفرك شفايفي بموية يطلع لي قشور الشفايف كل الميزات لقيتها فيه ♥ 

سعره : ب 15 ريال .

مكان الشراء : أماكن الدرق ستور.

♥

أي طلب أو اسئلة عندكم اسئلوني  بالأسك : http://ask.fm/Areej36

تابعوني بالتويتر : https://twitter.com/Loverjoory

والإنستغرام : https://instagram.com/areej36‏