ريفيو : فاونديشن ماكس فاكتور ♥

السلام عليكم ورحمة الله وبركاته

رجعت لكم بعد كسل وانشغال مني ي الله من زمان عن التدوين 

ريفيو اليوم عن فاونديشن ( كريم أساس ) ماكس فاكتور

طبعاً بحثت بالنت بالعربي ومالقيت أحد عامل ريفيو عنه وقلت اسوي لكم ريفيو عنه علشان يكون مرجع لكل وحدة تفكر تشتريه :)

اسمه : 

كريم أساس وسيروم AGELESS ELIXIR 

2 في 1

وصف المنتج : 

تركيبة سائلة ذات ملمس ناعم وحريري تغطي الخطوط الدقيقة كما أنها مزوّدة بسيروم مع عامل الحماية من الشمس (SPF 15*) الذي يساعد على حماية بشرتك من أشعة الشمس. *مع الاستخدام اليومي.

تجربتي :

اشتريته وكنت مترددة اني اشتريه بما انه محد تكلم عنه وطبعاً كالعادة بمغامراتي اجرب الشيء من عندي :)

ما كنت ادري انه فيه نسبة وقاية من الشمس وهذا الشيء انا ما احتاجه وما يهمنا بما اننا راح نستخدمه بالنهار اذا عندنا مناسبة

حسيته يناسب البشرة المختلطة والدهنية

ممكن تستخدمي بعده بودرة مظغوطة بمنطقة التي زون يعني المناطق اللي تكون دهنية نستخدم لها اي بودرة مظغوطة احتياط :)

واتوقع انه ممكن يناسب البشرة الجافة بعد استخدام مرطب قبله.

بالنسبة للبشرة الحساسة ما أتوقع أبدا ً يناسبها لأن ريحته عطرية

التغطية : متوسطة.

يعني اذا عندكم هالات ، اثار حبوب ، او عيوب بالبشرة عموماً تحتاجي

كونسيلر ( خافي العيوب )

انا برأيي تغطيته ممتازة

ملمسه : لاهو خفيف ولاهو ثقيل. ( متوسط )

مميزاته :

1/ تقدري تتحكمي بتغطية الفاونديشن بتخففيه مع اي مرطب لبشرتك وتقدري العكس تثقليه للمستوى اللي انتي يرضيك .

2/ انه فاونديشن وسيروم مع بعض يعني 2 في 1 .

3/ فيه حاجة ترفع الفاونديشن لفوق يعني تحدد لك كم الكمية الباقية بالعلبة .

درجات الفاونديشن : راح تلاقي اللي يناسبك لأن متوفرة درجات تناسب جميع درجات البشرة.

تقيمي له : 10/10

هل برجع اشتريه : ما اتوقع اني راح ارجع اشتريه مع انه كويس نسبيا ً بس نفسي اجرب فاونديشنات غيره يعني بعطي فرصة لغيره .

أي طلب أو اسئلة عندكم اسئلوني بس ب الأسك : http://ask.fm/Areej36

وتابعوني بالتويتر : https://twitter.com/Loverjoory

والإنستغرام : https://instagram.com/areej36